ആർടി ഓഫിസിന്റെ ഗേറ്റ് അടച്ചിടുന്നതിൽ പ്രതിഷേധം

വടകര ∙ റീജനൽ ട്രാൻസ്പോർട്ട് ഓഫിസിൽ ഉച്ച കഴിഞ്ഞാൽ സേവനങ്ങൾ ലഭ്യമാകുന്നില്ലെന്ന് പാതി. ഉച്ചയ്ക്ക് ശേഷം കൗണ്ടറിലേക്കുള്ള ഗേറ്റുകൾ പൂട്ടിയിടുന്നതിനാൽ ഓഫിസിലെത്തുന്നവർ പ്രയാസപ്പെടുകയാണ്. വാഹനങ്ങൾ സംബന്ധിച്ച കാര്യങ്ങൾക്കും ഡ്രൈവിങ് ടെസ്റ്റ് സംബന്ധമായ മറ്റ് ആവശ്യങ്ങൾക്കുമായി താലൂക്കിന്റെ വിവിധ ഭാഗങ്ങളിൽ നിന്ന് എത്തുന്നവർ വെറും കയ്യോടെ മടങ്ങേണ്ട സ്ഥിതിയാണ് ഉള്ളത്.   ഇത് പ്രതിഷേധത്തിന് ഇടയാക്കിയിട്ടുണ്ട്.  വിവിധ സെക്‌ഷനിലുള്ളവരെ കാണാനോ പ്രശ്നങ്ങൾ അറിയിക്കാനോ കഴിയാത്ത സ്ഥിതി ഉള്ളതായാണ് പരാതി. മിനി സിവിൽ സ്റ്റേഷനിലെ മറ്റ് ഒരു ഓഫിസിലും ഇത്തരമൊരു പരിഷ്കാരം ഇല്ല.     ഇതിനെതിരെ പരാതി പറയുന്നവരോട് മറുപടി പറയാതെ അധികൃതർ ഒഴിഞ്ഞു മാറുകയാണ് ചെയ്യുന്നത്.