വാട്ടർ കൂളറിൽ ചോർച്ച; നായ്ക്കൾക്കു കോളായി
Mail This Article
×
വടകര ∙ തെരുവുനായ്ക്കൾ വെള്ളം കുടിച്ച പൈപ്പിൽ നിന്നു തന്നെ യാത്രക്കാർക്കും വെള്ളം. റെയിൽവേ സ്റ്റേഷനിലെ കൂളറിലാണ് ഈ പ്രശ്നം. 4 വർഷം മുൻപ് സത്യസായി സേവാ സമിതി സംഭാവന ചെയ്തതാണു കൂളർ.
കൂളറിലെ പൈപ്പ് ഉയരത്തിൽ വയ്ക്കാത്തതു കൊണ്ട്, ലീക്കുള്ള പൈപ്പിലെ വെള്ളം നായ്ക്കളും നുകരും. പൈപ്പ് വായയുടെ ഉള്ളിലാക്കിയാണ് നായ്ക്കളുടെ വെള്ളം കുടി.
സ്റ്റേഷനിലെ പതിവു കാഴ്ചയായതു കൊണ്ട് പലരും കൂളറിൽ നിന്നു വെള്ളം എടുക്കുന്നില്ല. അറിയാത്തവർ കുപ്പിയിലും ഗ്ലാസിലും വെള്ളം എടുത്തു കുടിക്കും.
കൂളറിന് സ്റ്റാൻഡ് പണിത് ഉയരത്തിൽ സ്ഥാപിച്ചാൽ പ്രശ്നപരിഹരമാകും. എന്നാൽ, പലരും പല തവണ പരാതിപ്പെട്ടിട്ടും റെയിൽവേ അധികൃതർ നടപടിയെടുത്തിട്ടില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.