കടത്തനാടൻ പെരുമയുമായി കളരി മഹോത്സവം തുടങ്ങി

വടകര ∙ കടത്തനാടൻ കളരിയുടെ പെരുമയും പാരമ്പര്യവും ഊട്ടിയുറപ്പിക്കാൻ നഗരസഭയുടെ നേതൃത്വത്തിൽ കളരി മഹോത്സവം തുടങ്ങി. നഗരസഭാധ്യക്ഷ കെ.പി.ബിന്ദു ഉദ്ഘാടനം ചെയ്തു. രാജിത പതേരി ആധ്യക്ഷ്യം വഹിച്ചു. എസ്.ആർ.ഡി.പ്രസാദ് കളരി പ്രഭാഷണം നടത്തി. ടി.പി.ഗോപാലൻ, എം.ഇ.സുരേഷ് ഗുരുക്കൾ, സിന്ധു പ്രേമൻ, സി.വി.പ്രദീശൻ എന്നിവർ പ്രസംഗിച്ചു. കളരിപ്പയറ്റ് പ്രദർശനം അരങ്ങേറി. ഇന്ന് സമാപിക്കും.