ശക്തമായ കാറ്റിൽ വൈദ്യുതി ലൈൻ തകർന്നു; ഷോക്കേറ്റ് എട്ട് കുറുക്കൻമാർ ചത്തു

കോഴിക്കോട് ∙ കീഴരിയൂരിൽ ഷോക്കേറ്റ് എട്ടോളം കുറുക്കൻമാർ ചത്തു. വെള്ളിയാഴ്ച രാത്രിയുണ്ടായ ശക്തമായ കാറ്റിൽ പറമ്പിലെ മരം വീണ് വൈദ്യുതി ലൈൻ തകർന്നിരുന്നു. ഇതിൽ നിന്നാണ് കുറുക്കൻമാർക്ക് ഷോക്കേറ്റതെന്നാണ് നിഗമനം. കെഎസ്ഇബി അധികൃതർ ലൈനിന്റെ അറ്റകുറ്റപ്പണികൾ നടത്തുകയാണ്. ചത്ത കുറുക്കൻമാരുടെ പോസ്റ്റ്മോർട്ടം ഉൾപ്പെടെയുള്ള തുടർനടപടികൾ വനംവകുപ്പ് ആരംഭിച്ചു.