ഇടിമിന്നലിൽ വീടിന്റെ ചുമരുകൾക്കും ഇലക്ട്രോണിക് ഉപകരണങ്ങൾക്കും നാശം

കീഴരിയൂർ∙ ശക്തമായ ഇടിമിന്നലിൽ വീടിന്റെ ചുമരുകൾക്കും  ഇലക്ട്രോണിക് ഉപകരണങ്ങൾക്കും കേടുപാടുകൾ സംഭവിച്ചു. പട്ടാമ്പുറത്ത് താഴ കിരാതമൂർത്തി ക്ഷേത്രത്തിനു സമീപം താമസിക്കുന്ന തേറങ്ങാട്ട് മീത്തൽ ബാലന്റെ വീടാണ് വ്യാഴാഴ്ചത്തെ ശക്തമായ ഇടിമിന്നലിൽ തകർന്നത്. ചുവരിന് വിള്ളൽ വീണു. മുറിയിൽ ഉറങ്ങുകയായിരുന്ന ബാലന്റെ അമ്മ അദ്ഭുതകരമായാണ് രക്ഷപ്പെട്ടത്. വീട്ടിലെ ഇലക്ട്രോണിക് ഉപകരണങ്ങളും സർവീസ് വയറും പൂർണമായും കത്തിനശിച്ചു.