ശുചി മുറി മാലിന്യം ഓടയിലേക്ക് ഒഴുക്കി; ആരോഗ്യ വിഭാഗം എത്തി ഹോട്ടൽ പൂട്ടിച്ചു

നാദാപുരം∙ കസ്തൂരികുളത്ത് ശുചി മുറി മാലിന്യം ഓടയിലേക്ക് ഒഴുക്കി എന്ന പരാതിയെ തുടർന്ന് ആരോഗ്യ വിഭാഗവും പൊലീസും എത്തി ഹോട്ടൽ പൂട്ടിച്ചു. ഫുഡ്പാർക്ക് ഹോട്ടൽ മാലിന്യം ഓട വഴി നാട്ടിൽ പല ഇടങ്ങളിലും ഒഴുകി എത്തുകയും കിണറുകൾ മലിനം ആകുകയും ചെയ്തു എന്നാണ് പരാതി. അധികൃതരുടെ പരിശോധനയിൽ പരാതിയിൽ കാര്യം ഉണ്ടെന്നു വ്യക്തമായതായി  വാർഡ് മെമ്പർ കെ. അബാസ് പറഞ്ഞു. പ്രശ്നം പരിഹരിക്കാതെ ഹോട്ടൽ തുറക്കരുത് എന്ന് ഹെൽത്ത് അധികൃതർ നോട്ടീസ് നൽകി.