ജെടി റോഡിൽ കലുങ്ക് നിർമാണം; വെള്ളക്കെട്ടും ഗതാഗതക്കുരുക്കും രൂക്ഷം
Mail This Article
×
വടകര ∙ ജെടി റോഡിൽ വെള്ളക്കെട്ട് ഒഴിവാക്കാൻ കലുങ്ക് നിർമാണം തുടങ്ങിയ ഭാഗത്ത് വെള്ളം നിറഞ്ഞു. റോഡിൽ പാതി ഭാഗത്ത് ഉണ്ടാക്കിയ കുഴിയിലേക്കാണു വെള്ളം ഒഴുകുന്നത്. ബാക്കി വെള്ളം റോഡിൽ കെട്ടി നിൽക്കുന്നതു മൂലം ഗതാഗതക്കുരുക്ക് രൂക്ഷമായി.കഴിഞ്ഞ 15ന് നിർമാണം തുടങ്ങാ‍ൻ വേണ്ടി ഈ റോഡിലും അനുബന്ധ റോഡിലും ഗതാഗത ക്രമീകരണം ഒരുക്കിയിരുന്നു. എന്നാൽ ഒരാഴ്ച കഴിഞ്ഞാണു നിർമാണം തുടങ്ങിയത്.
രാത്രി മാത്രം ജോലികൾ നടക്കുന്നതു കൊണ്ടു നിർമാണത്തിനു വേഗം കുറവാണെന്ന് കച്ചവടക്കാർ പരാതിപ്പെട്ടു.ഇവിടെ കലുങ്ക് നിർമാണത്തിനായി റോ‍‌‍‍ഡിന്റെ പകുതി കുഴിച്ചതു കൊണ്ട് വടക്കു നിന്നുള്ള ബസ് ഒഴികെയുള്ള വാഹനങ്ങൾ രാഗേഷ് ഹോട്ടലിന്റെ ഇടതു ഭാഗത്തെ റോഡിലൂടെ തിരിച്ചു വിട്ടിരുന്നു. എന്നാൽ ട്രാഫിക് പൊലീസിന്റെ ഈ നിർദേശം ആരും അനുസരിക്കുന്നില്ല. ഇതുകാരണം റോഡിൽ വാഹനക്കുരുക്ക് രൂപപ്പെടുകയാണ്.
English Summary:
Waterlogging continues to plague Vatakara's JT Road despite ongoing culvert construction intended to alleviate the issue. Slow progress and poorly managed traffic diversions have further aggravated the situation, leading to severe traffic jams and frustration among locals.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.