കുളം മലിനമാക്കിയതായി പരാതി; ആരോപണം ദേശീയപാത നിർമാണ കമ്പനിക്കെതിരെ
Mail This Article
×
വടകര∙ പുതുപ്പണത്ത് സർവീസ് റോഡ് അടച്ച് കുറുകെ ചാലു കീറിയ ദേശീയപാത നിർമാണ കമ്പനി അഴുക്കു വെള്ളം സമീപത്തെ മണൽത്താഴ കുളത്തിലേക്ക് ഒഴുക്കി. കുളത്തിൽ ചെളി നിറഞ്ഞു. ഇത് രണ്ടാം തവണയാണ് കുളം മലിനമാക്കുന്നത്. കഴി‍ഞ്ഞ മാസം കുളത്തിലേക്ക് മലിനജലം ഒഴുക്കിയതിൽ പരാതിപ്പെട്ടിട്ടും നടപടിയുണ്ടായില്ല. ഒടുവിൽ നാട്ടുകാർ മോട്ടർ ഓഫാക്കി വെള്ളം ഒഴുക്ക് നിർത്തുകയായിരുന്നു.
ശനിയാഴ്ച ചാൽ കീറിയ ഭാഗത്ത് നിറഞ്ഞ വെള്ളമാണ് കുളത്തിലേക്ക് ഒഴുക്കിയത്. ഇന്നലെ രാവിലെയാണ് ഇക്കാര്യം ശ്രദ്ധയിൽപ്പെട്ടത്.നാട്ടുകാർ പ്രതിഷേധവുമായി വന്നിട്ടും ബന്ധപ്പെവട്ടർ സ്ഥലത്തെത്തിയില്ല. പാത നിർമാണവുമായി ബന്ധപ്പെട്ട് ഒട്ടേറെ പരാതി ഉയരുന്നുണ്ട്. എന്നാൽ നിർമാണ കമ്പനിയുടെയോ ദേശീയപാത അതോറിറ്റിയുടെയോ ആളുകൾ സ്ഥലത്തു വന്ന് പരിഹാരം കാണാത്തതിൽ പ്രതിഷേധം ഉയർന്നു.
English Summary:
Road construction pollution in Vadakara, near Puthuppanath, has resulted in severe environmental damage as construction waste and muddy water have polluted a nearby sandpit. The repeated neglect of complaints by authorities has led to widespread local protests demanding immediate action.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.