വിദ്യാർഥികൾ നെൽക്കൃഷി തുടങ്ങി; കൃഷിയുടെ പാഠങ്ങളും പഠിച്ച് പാടത്തിറങ്ങി ഞാറുനട്ടു

ചമ്രവട്ടം ∙ കൃഷിയുടെ പാഠങ്ങളും പഠിച്ച് പാടത്തിറങ്ങി ഞാറുനട്ട് ഒരുകൂട്ടം വിദ്യാർഥികൾ. ആലത്തിയൂർ കെഎച്ച്എംഎച്ച്എസ് സ്കൂളിലെ എൻഎസ്എസ് യൂണിറ്റാണ് ചമ്രവട്ടം ഇല്ലത്തെപ്പാടത്ത് നെൽക്കൃഷി ഇറക്കിയത്.ഒരേക്കർ സ്ഥലത്താണ് ഞാറുകൾ പാകിയത്.  വിവിധ കൃഷിരീതികളെ കുറിച്ച് തൃപ്രങ്ങോട് കൃഷിഭവൻ കുട്ടികൾക്ക് ക്ലാസും നൽകി. പിടിഎ പ്രസിഡന്റ് എ.കെ.സലീം ഉദ്ഘാടനം ചെയ്തു. പ്രിൻസിപ്പൽ സി.രാമകൃഷ്ണൻ ആധ്യക്ഷ്യം വഹിച്ചു.