വീട്ടമ്മയെ കെട്ടിയിട്ട് മർദിച്ചശേഷം സ്വർണാഭരണം കവർന്നു

പൊന്നാനി∙ പൊന്നാനി ചെറുവായ്ക്കരയിൽ വീട്ടമ്മയെ കെട്ടിയിട്ട് മർദിച്ചശേഷം സ്വർണാഭരണം കവർന്നു. ചെറുവായ്ക്കര പള്ളക്കളം സ്വദേശിനി കുന്തനകത്ത് ഹൗസിൽ രാധയെ ആണ് വായ് മൂടി കെട്ടി മർദിച്ചശേഷം അണിഞ്ഞിരുന്ന മൂന്നര പവൻ സ്വർണാഭരണം കവർന്നത്. ബുധനാഴ്ച പുലർച്ചെ നാലരയോടെയാണ് സംഭവം. പരുക്കേറ്റ രാധയെ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചു. പൊന്നാനി പൊലീസ് കേസെടുത്ത് അന്വേഷണം ആരംഭിച്ചു.