ജലീലിന്റെ വിരമിക്കൽ മൂഡിനോട് വിയോജിക്കുന്നു: ജോൺ ബ്രിട്ടാസ്
Mail This Article
×
വളാഞ്ചേരി∙ കെ.ടി.ജലീൽ എംഎൽഎയുടെ വിരമിക്കൽ മൂഡിനോടു താൻ ശക്തമായി വിയോജിക്കുന്നതായി ജോൺ ബ്രിട്ടാസ് എംപി. ജില്ലാ ലൈബ്രറി കൗൺസിൽ കാവുംപുറത്തു സംഘടിപ്പിച്ച ചടങ്ങിൽ കെ.ടി.ജലീലിന്റെ ‘സ്വർഗസ്ഥനായ ഗാന്ധിജി’ എന്ന പുസ്തകം അദ്ദേഹം പ്രകാശനം ചെയ്തു. ജലീൽ പത്തരമാറ്റു തിളങ്ങേണ്ട സമയമാണിത്. അദ്ദേഹത്തിന്റെ സാന്നിധ്യവും വാക്കുകളും കുറെക്കൂടി ജനങ്ങൾ ആഗ്രഹിക്കുന്ന ഒരു സാമൂഹിക, രാഷ്ട്രീയ മുഹൂർത്തമാണിതെന്നും ബ്രിട്ടാസ് പറഞ്ഞു.
പുസ്തകം സാക്ഷരതാപ്രവർത്തക കെ.വി.റാബിയ ഏറ്റുവാങ്ങി. ജില്ലാ ലൈബ്രറി കൗൺസിൽ പ്രസിഡന്റ് എ.ശിവദാസൻ ആധ്യക്ഷ്യം വഹിച്ചു. പ്രഫ.എം.എം.നാരായണൻ പുസ്തകപരിചയം നടത്തി. ലൈബ്രറി കൗൺസിൽ സംസ്ഥാന സമിതി അംഗം അജിത് കൊളാടി, എഴുത്തുകാരൻ പി. മാനവേന്ദ്രനാഥ്, കെ.പി.ശങ്കരൻ, കൈരളി ബുക്സ് പ്രതിനിധി വി.സെൽവരാജ്, കെ.കെ.ബാലചന്ദ്രൻ, കെ.എ.ഷറഫുദീൻ എന്നിവർ പ്രസംഗിച്ചു.
English Summary:
At the launch of K.T. Jaleel's latest book, "Swargasthanaya Gandhiji," in Valanchery, John Brittas MP voiced his dissent against Jaleel's hints at retirement from politics. Brittas emphasized the importance of Jaleel's continued presence and contributions to the current socio-political landscape.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
