നിയന്ത്രണംവിട്ട കാർ പുഴയിലേക്കു മറിഞ്ഞു; യാത്രക്കാർ അദ്ഭുതകരമായി രക്ഷപ്പെട്ടു
Mail This Article
×
പൊന്നാനി ∙ കർമ റോഡിൽ നിയന്ത്രണം വിട്ട കാർ പുഴയിലേക്കു മറിഞ്ഞു. തിങ്കളാഴ്ച ഉച്ചയോടെ ചമ്രവട്ടം കടവ് ഭാഗത്താണ് സംഭവം. വെള്ളത്തിൽ മുങ്ങിയ കാറിൽ നിന്ന് യാത്രക്കാർ അദ്ഭുതകരമായാണ് രക്ഷപ്പെട്ടത്. ചമ്രവട്ടം കടവ് ഭാഗത്താണ് സംഭവം. പൊന്നാനി ഭാഗത്തു നിന്നു വരികയായിരുന്ന കാർ നിയന്ത്രണം വിട്ട് നേരെ പുഴയിലേക്കു പതിക്കുകയായിരുന്നു. കാർ പൂർണമായും പുഴയിൽ മുങ്ങിയെങ്കിലും കാറിലുണ്ടായിരുന്ന 4 പേർ നീന്തി കയറി. വൈകുന്നേരത്തോടെ ക്രെയിൻ ഉപയോഗിച്ച് കാർ പൊക്കിയെടുത്തു.
മാസങ്ങൾക്ക് മുൻപും സമാനമായ സംഭവങ്ങളുണ്ടായിരുന്നു. റോഡിൽ നിന്നു നിയന്ത്രണം വിട്ട് വാഹനങ്ങൾ പുഴയിലേക്ക് വീഴുക പതിവാണ്. ഇൗ ഭാഗത്ത് സുരക്ഷാവേലി വേണമെന്ന ആവശ്യം ഇതുവരെ നടപ്പാക്കിയിട്ടില്ല. മുൻപ് നിയന്ത്രണം വിട്ട കാർ പുഴയിലേക്കു പതിച്ച് യുവാവ് മരിച്ചിരുന്നു.
English Summary:
Four passengers miraculously escaped after their car lost control and plunged into the river on Karma Road, Ponnani. This incident reignites concerns about the lack of safety barriers in the area, especially after a similar incident resulted in a fatality.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.