ഉപതിരഞ്ഞെടുപ്പ്: ഭേദപ്പെട്ട പോളിങ്, വോട്ടെണ്ണൽ ഇന്ന്

മലപ്പുറം ∙ ജില്ലയിലെ 4 തദ്ദേശ വാർഡുകളിലേക്കു നടന്ന ഉപതിരഞ്ഞെടുപ്പിൽ ഭേദപ്പെട്ട പോളിങ്. ജില്ലാ പഞ്ചായത്ത് തൃക്കലങ്ങോട് ഡിവിഷനിലാണു ഏറ്റവും കുറഞ്ഞ പോളിങ് രേഖപ്പെടുത്തിയത് (58.72%). മഞ്ചേരി നഗരസഭയിലെ കരുവമ്പരം വാർഡിലാണു കൂടിയ പോളിങ് (82.12%). തൃക്കലങ്ങോട് പഞ്ചായത്തിലെ മരത്താണി വാർഡിൽ 77.2%, ആലങ്കോട് പഞ്ചായത്തിലെ പെരുമുക്ക് വാർഡിൽ 71.69% വീതമാണു പോളിങ്. ഇന്നാണു വോട്ടെണ്ണൽ.ജില്ലാ പഞ്ചായത്ത് തൃക്കലങ്ങോട് ഡിവിഷൻ, മരത്താണി വാർഡ് എന്നിവിടങ്ങളിലെ വോട്ടെണ്ണൽ വണ്ടൂർ ബ്ലോക്ക് പഞ്ചായത്ത് ഓഫിസിലും കരുവമ്പ്രം വാർഡിലെ മഞ്ചേരി മുനിസിപ്പൽ ഓഫിസിലും പെരുമുക്ക് വാർഡിലെ വോട്ടെണ്ണൽ ആലംകോട് പഞ്ചായത്ത് ഹാളിലും നടക്കും. രാവിലെ 8 മുതലാണു വോട്ടെണ്ണൽ.