മുംബൈ മെട്രോ കോർപറേഷൻ: ഷൂട്ടിങ്ങിൽ നേട്ടം 100 കോടി

മുംബൈ ∙ മുംബൈ മെട്രോ കോർപറേഷനും  ഒരേ സമയം നേട്ടമായി മെട്രോ–7, 2എ ലൈനുകൾ ആദ്യ വർഷം തന്നെ 100 കോടി രൂപ ടിക്കറ്റ് രഹിത  വരുമാനമുണ്ടാക്കി. ആരേ കോളനി– ദഹിസർ –ഡഹാണുക്കർവാഡി വരെയുള്ള  റൂട്ടിലെ സ്റ്റേഷനും പരിസരവും ഷൂട്ടിങിനു നൽകിയാണ് ആദ്യ വർഷം തന്നെ 100 കോടിയുടെ നേട്ടമുണ്ടാക്കിയത്. ഫിലിം, ടിവി, പരസ്യ ചിത്രീകരണങ്ങൾ, മറ്റ് പരസ്യങ്ങൾ എന്നിവയാ‌ണു വരുമാനത്തിനു സഹായിച്ചത്.ഇരു മെട്രോകളിലുമായി ആകെ 30 സ്റ്റേഷനുകളാണുള്ളത്. ഇതിൽ ഭാഗികമായി മാത്രമാണ് സർവീസ് നടത്തുന്നത്. ഇവിടെ  18 സ്റ്റേഷനുകളാണുള്ളത്. 3 കിലോമീറ്റർ ദൂരത്തിലുള്ള മിനിമം ടിക്കറ്റ് നിരക്ക് 10 രൂപയും 30 കിലോമീറ്റർ ദൂരത്തിന് 50 രൂപയുമാണ്. ഈ വർഷം ഡിസംബറിൽ ബാക്കിയുള്ള 12 സ്റ്റേഷനുകളിൽ കൂടി സർവീസ് ആരംഭിക്കുമെന്നും മഹാ മുംബൈ മെട്രോ കോർപറേഷൻ കോർപറേഷൻ അറിയിച്ചു.