മുംബൈയിൽ ദീപാവലി ആഘോഷിച്ച് സ്പെയിൻ പ്രധാനമന്ത്രിയും ഭാര്യയും

മുംബൈ∙ മുംബൈയിൽ ദീപാവലി ആഘോഷിച്ച് സ്പെയിൻ പ്രധാനമന്ത്രി പെദ്രോ സാഞ്ചസും ഭാര്യ ബെഗോന ഗോമസും. ഗുജറാത്തിലെ വഡോദര ടാറ്റ എയർക്രാഫ്റ്റ് സമുച്ചയത്തിന്റെ ഉദ്ഘാടനത്തിന് ശേഷമാണ് ഇരുവരും മുംബൈയിൽ എത്തിയത്. പൂത്തിരി കത്തിച്ചും മധുര പലഹാരങ്ങൾ പങ്കുവച്ചും ദീപാവലി ആഘോഷത്തിൽ പങ്കുചേർന്നു. ചിത്രങ്ങളും പങ്കുവച്ചു. രാജ്യത്ത് സൈനിക വിമാനങ്ങൾ നിർമിക്കുന്ന സ്വകാര്യ മേഖലയിലെ ആദ്യ ഫൈനൽ അസംബ്ലി ലൈൻ ആയ ടാറ്റ എയർക്രാഫ്റ്റ് സമുച്ചയത്തിന്റെ ഉദ്ഘാടനം പ്രധാനമന്ത്രി നരേന്ദ്രമോദിയും സ്‍പാനിഷ് പ്രധാനമന്ത്രി പെദ്രോ സാഞ്ചസും ചേർന്ന് തിങ്കളാഴ്ച നിർവഹിച്ചിരുന്നു. മൂന്ന് ദിവസത്തെ ഇന്ത്യാ സന്ദർശനത്തിന് ശേഷം  സാഞ്ചസും ഭാര്യയും ഇന്നു മടങ്ങും.