വിദ്യാർഥികളെ ആദരിച്ച് കേരള സ്കൂൾ

ന്യൂഡൽഹി∙ 2021-22 അധ്യയന വർഷത്തിൽ 10-12 ക്ലാസ്സുകളിലെ സിബിഎസ്ഇ പരീക്ഷകളിൽ ഉന്നത വിജയം നേടിയ വിദ്യാർഥികളെ മയൂർ വിഹാർ ഫേസ്-3 കേരളാ സ്കൂളിൽ നടന്ന ചടങ്ങിൽ അനുമോദിച്ചു.  കുൽദീപ് കുമാർ എംഎൽഎ മുഖ്യാതിഥിയായി. സ്കൂൾ ചെയർമാൻ സി.കെ. രാമചന്ദ്രൻ, കുൽദീപ് കുമാർ എംഎൽഎ എന്നിവർ വിദ്യാർഥികൾക്ക് പുരസ്കാരം വിതരണം ചെയ്തു. 

കോവിഡ് ബാധിച്ചു മരിച്ച മുൻ സ്കൂൾ ഹെഡ്മിസ്ട്രസ് സയൻ ഡാന്റെ സ്മരണയ്ക്കായി ഏർപ്പെടുത്തിയ കാഷ് അവാർഡുകളും വിദ്യാർഥികൾക്കു വിതരണം ചെയ്തു. സ്കൂൾ പ്രിൻസിപ്പൽ ലത നന്ദകുമാർ പ്രസംഗിച്ചു.