ഒരാഴ്ച ഇടവിട്ടുള്ള മഴയ്ക്ക് സാധ്യത

ന്യൂഡൽഹി∙ നഗരത്തിലും പരിസരങ്ങളിലും കാലാവസ്ഥ കേന്ദ്രം ഒരാഴ്ചത്തേക്കു യെലോ അലർട്ട് പ്രഖ്യാപിച്ചു. ഈ ദിവസങ്ങളിൽ ഇടവിട്ടുള്ള മഴയ്ക്കു സാധ്യതയുണ്ടെന്ന് കേന്ദ്രം അറിയിച്ചു. ദേശീയ പാതകളിൽ ഉൾപ്പെടെ വെള്ളക്കെട്ടും ഗതാഗത തടസ്സവും ഉണ്ടാകാനുള്ള സാധ്യത കണക്കിലെടുത്താണ് മുന്നറിയിപ്പ്. ഇന്നലെ വൈകിട്ട് നഗരത്തിന്റെ പല ഭാഗങ്ങളിലും കനത്ത മഴ പെയ്തു. ഡൽഹിക്കു പുറമേ ഉത്തരാഖണ്ഡ്, ഹിമാചൽ പ്രദേശ്, ഉത്തർപ്രദേശിന്റെ കിഴക്കൻ പ്രദേശങ്ങൾ എന്നിവിടങ്ങളിലും വരും ദിവസങ്ങളിൽ മഴ ലഭിക്കുമെന്ന് കാലാവസ്ഥ കേന്ദ്രം അറിയിച്ചു.