എൽഡിഎഫ് സ്ഥാനാർഥി കൃഷ്ണൻകുട്ടി ഫുട്ബോൾ പരിശീലന ക്യാംപില്‍ കുട്ടികൾക്കൊപ്പം

ചിറ്റൂർ∙ തിരഞ്ഞെടുപ്പു പര്യടനത്തിനിടയിൽ കായിക പ്രേമികളായ കുട്ടികളെ കാണാനും സ്ഥാനാർഥിയെത്തി. ഗവ. ഹയർ സെക്കൻഡറി സ്കൂൾ (ബോയ്സ്) മൈതാനത്ത് അവധി ദിവസങ്ങളിൽ നടക്കുന്ന ഫുട്ബോൾ പരിശീലന ക്യാംപിലാണ് എൽഡിഎഫ് സ്ഥാനാർഥി കെ.ക‍ൃഷ്ണൻകുട്ടി എത്തിയത്. കുട്ടികളുടെ ആവശ്യങ്ങളും പ്രശ്നങ്ങളും ചോദിച്ചറിഞ്ഞ സ്ഥാനാർഥി കുട്ടികൾക്കൊപ്പം പന്തു തട്ടിയ ശേഷമാണു കളം വിട്ടത്. ബ്ലോക്ക് പ‍ഞ്ചായത്ത് പ്രസിഡന്റ് വി.മുരുകദാസ് ഒപ്പമുണ്ടായിരുന്നു.    ഇന്നു കൊഴിഞ്ഞാമ്പാറ, നല്ലേപ്പിള്ളി പഞ്ചായത്തുകളിലെ വിവിധയിടങ്ങളിൽ നടക്കുന്ന യോഗങ്ങളിൽ സ്ഥാനാർഥി പങ്കെടുക്കും.