അട്ടപ്പാടിയിലെ ശിശുമരണം ഗോത്രവർഗ കമ്മിഷൻ തെളിവെടുത്തു

അഗളി ∙ അട്ടപ്പാടിയിലെ ശിശുമരണങ്ങൾ സംബന്ധിച്ച് സംസ്ഥാന പട്ടികജാതി പട്ടിക ഗോത്രവർഗ കമ്മിഷൻ തെളിവെടുപ്പ് നടത്തി. കമ്മിഷൻ ചെയർമാൻ ബി.എസ്. മാവോജി, അംഗം അഡ്വ. സൗമ്യ എന്നിവരാണ് 3 ദിവസത്തെ സന്ദർശനം നടത്തുന്നത്. ഇന്നലെ കില ഹാളിൽ പട്ടികവർഗ വകുപ്പ് ഉദ്യോഗസ്ഥരിൽ നിന്നും എസ്ടി പ്രമോട്ടർമാരിൽ നിന്നും വിവരങ്ങൾ ശേഖരിച്ചു. വട്ടലക്കി, ഒഎൽഎച്ച് ഊരുകൾ സന്ദർശിച്ചു. ഇന്ന് മറ്റ് വകുപ്പ് ഉദ്യോഗസ്ഥരുമായി ചർച്ച നടത്തും. കോട്ടത്തറ ട്രൈബൽ ആശുപത്രി സന്ദർശിക്കും.