റോട്ടറി ക്ലബ് ഓഫ് പാലക്കാട് ഫലവൃക്ഷത്തൈകൾ നട്ടു

പാലക്കാട് ∙ റോട്ടറി ക്ലബ് ഓഫ് പാലക്കാട് ഫോർട്ട് പരിസ്ഥിതി  സൗഹൃദ പ്രവർത്തനങ്ങളുടെ  ഭാഗമായി എലപ്പുള്ളി നീലഗിരി പബ്ലിക് സ്കൂളിൽ ഫലവൃക്ഷത്തൈകൾ വച്ച് പിടിപ്പിച്ചു. റോട്ടറി അസിസ്റ്റന്റ് ഗവർണർ കെ.എസ്.രഘുനാഥ് ഉദ്ഘാടനം ചെയ്തു. പ്രസിഡന്റ് കെ.മനോജ് അധ്യക്ഷനായി.

ഡിസ്ട്രിക്ട് കൗൺസിലർ പി.സന്തോഷ് കുമാർ, സോണൽ  ചെയർമാൻ രവി നടരാജൻ, പ്രധാന അധ്യാപിക ഉഷ, കെ.എസ്.ദിലീപ് കുമാർ, സി.രാജ് എന്നിവർ പ്രസംഗിച്ചു. മുന്നൂറോളം  വിദ്യാർഥികൾക്ക് വൃക്ഷത്തൈകൾ വിതരണം ചെയ്തു.