കൽക്കണ്ടിയിൽ കാട്ടാനക്കൂട്ടം കൃഷി നശിപ്പിച്ചു; വൻ നഷ്ടം

കൽക്കണ്ടി ∙ വൈദ്യുതവേലി തകർത്തെത്തിയ കാട്ടാനക്കൂട്ടം കൽക്കണ്ടിയിൽ വാഴക്കൃഷി നശിപ്പിച്ചു. മേടമ്മൽ മുഹമ്മദലിയുടെ സ്ഥലത്ത് പാണക്കാടൻ അബ്ബാസ് പാട്ടത്തിനു കൃഷിചെയ്തിരുന്ന 1600 കുലച്ച വാഴകളാണു നശിപ്പിച്ചത്. ഇതോടുചേർന്ന് മുഹമ്മദലി കൃഷി ചെയ്ത 5 ഏക്കറിലെ 400 കുലച്ച നേന്ത്രവാഴയും 300 ഞാലിപ്പൂവനും 60 തെങ്ങിൻതൈകളും ആനക്കൂട്ടം നശിപ്പിച്ചു. രണ്ടിടത്തുമായി 8 ലക്ഷത്തോളം രൂപയുടെ നഷ്ടം കണക്കാക്കുന്നു. വൈദ്യുത വേലിയിലേക്കു മരം തള്ളിയിട്ടാണ് ആനക്കൂട്ടം പറമ്പിൽ കയറിയത്.