ഊട്ടി സസ്യോദ്യാനത്തിൽ ചന്ദ്രയാൻ റോക്കറ്റിന്റെ പുഷ്പമാതൃക

ഊട്ടി ∙ രണ്ടാം സീസണോടനുബന്ധിച്ച് ഊട്ടി സസ്യോദ്യാനത്തിൽ ചന്ദ്രയാൻ  റോക്കറ്റിന്റെ പുഷ്പമാതൃക ഒരുങ്ങുന്നു. ചെടിച്ചട്ടികളിൽ വിരിഞ്ഞ വിവിധ വർണപ്പൂക്കളാൽ ആണ് ഇത് അലങ്കരിക്കുന്നത്. ഗ്ലാസ് ഹൗസിനു മുന്നിലുള്ള പുൽമൈതാനിയിലാണ് ചന്ദ്രയാൻ, പ്രൗഡ് ഓഫ് ഇന്ത്യ എന്നു ചെടികളാൽ ഒരുക്കിയിരിക്കുന്നത്. ഇതിനു പിന്നിൽ പിഎസ്എൽവി റോക്കറ്റിന്റെ മാതൃകയും ഒരുങ്ങുന്നു. ഇതു കൂടാതെ 15000 ചെടിച്ചട്ടികൾ സ്റ്റാളുകളിൽ ക്രമീകരിക്കുന്ന ജോലിയും നടന്നു വരികയാണ്. ബുധനാഴ്ച മുതൽ ഇതു സന്ദർശകർക്കു കാണാനായി തുറന്നു കൊടുക്കും.