മൈലാംപാടം റോഡിൽ ഒഴുകിയ ഓയിൽ നീക്കി
Mail This Article
×
മണ്ണാർക്കാട്∙ മൈലാംപാടം റോഡിൽ എടേരം വളവിൽ റോഡിൽ ഒഴുകിയ ഓയിൽ അഗ്നിരക്ഷാ സേന നീക്കം ചെയ്തു. ഇന്നലെ വൈകിട്ട് അഞ്ച് മണിയോടെയാണ് ഓടുന്ന വാഹനത്തിൽ നിന്ന് ഓയിൽ റോഡിൽ വീണത്. എടേരത്തിനും മൈലാംപാടത്തിനും ഇടയിലാണ് ഓയിൽ റോഡിലൂടെ ഒഴുകിയത്. ഒട്ടേറെ ഇരുചക്ര വാഹനങ്ങൾ ഓയിലിൽ കയറി തെന്നി വീണു. ചിലർക്ക് നിസ്സാര പരുക്കേറ്റു.
ഇവർ വിവരം അറിയിച്ചതിനെ തുടർന്ന് മണ്ണാർക്കാട് ഫയർ ആൻഡ് റെസ്ക്യൂ നിലയത്തിൽനിന്നു സീനിയർ ഫയർ ആൻഡ് റെസ്ക്യൂ ഓഫിസർ എം.സജിത്ത്മോന്റെ നേതൃത്വത്തിൽ ഓഫിസർമാരായ വി.സുരേഷ്കുമാർ, റിജേഷ്, ഒ.എസ്. സുഭാഷ്, ഫയർ ആൻഡ് റെസ്ക്യൂ ഓഫിസർ ഡ്രൈവർ രാഗിൽ എന്നിവർ ഓയിൽ നീക്കം ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.