മേയാൻ പോയ പശുവിനെ പുലി കൊന്നുതിന്നു

ഊട്ടി ∙ ഊട്ടി കൂനൂർ റോഡിലെ വാലി വ്യൂവിലെ പുൽമേട്ടിൽ മേയാൻ പോയ പശുവിനെ പുലി കൊന്നു തിന്നു. പുലി പശുവിനെ തിന്നുന്ന വിഡിയോ സമൂഹമാധ്യമങ്ങളിൽ വൈറലായി. ഭക്ഷണം മതിയാക്കി വിശ്രമിച്ച ശേഷമാണു പുലി കാട്ടിലേക്കു കയറിയത്. ഇതേത്തുടർന്നു ഗ്രാമീണർ ഭീതിയിലാണ്. 

പുലി വീണ്ടും വരാൻ സാധ്യതയുണ്ടെന്നതിനാൽ നിരീക്ഷിക്കാൻ വനം വകുപ്പു ജീവനക്കാർ ഒരുക്കം തുടങ്ങി. പുലിയെ കൂടുവച്ചു പിടിച്ച് ഉൾക്കാടുകളിൽ വിട്ടയയ്ക്കണമെന്നാണു ജനങ്ങൾ  ആവശ്യപ്പെടുന്നത്.