വാൽപ്പാറയിൽ സഞ്ചാരികളുടെ വാഹനത്തിനുനേരെ പാഞ്ഞടുത്ത് ഒറ്റയാൻ – വിഡിയോ
![wild-elephant-rushed-towards-tourists-vehicle-1 wild-elephant-rushed-towards-tourists-vehicle-1](https://img-mm.manoramaonline.com/content/dam/mm/mo/district-news/palakkad/images/2024/6/8/wild-elephant-rushed-towards-tourists-vehicle-1.jpg?w=1120&h=583)
Mail This Article
പാലക്കാട്∙ വാൽപ്പാറ– പൊള്ളാച്ചി റോഡിൽ വിനോദ സഞ്ചാരികളുടെ വാഹനത്തിനുനേരെ പാഞ്ഞടുത്ത് ഒറ്റയാൻ. സഞ്ചാരികൾ വേഗത്തിൽ വാഹനം ഓടിച്ചു രക്ഷപ്പെട്ടു. വെള്ളിയാഴ്ച വൈകിട്ടാണ് സംഭവം. പൊള്ളാച്ചി റോഡിൽ ഉമ്മാണ്ടി മുടക്ക് വൻചോലയിൽ നിന്നും പുറത്തിറങ്ങിയ ഒറ്റയാനാണ് ഇതുവഴി വന്ന വിനോദ സഞ്ചാരികളുടെ വാഹനത്തെ ആക്രമിക്കുവാൻ മുതിർന്നത്. വിവരം അറിഞ്ഞ റേഞ്ച് ഓഫിസർ മണികണ്ഠൻ ഈ പ്രദേശത്തേക്ക് കൂടുതൽ വനപാലകരെ നിയോഗിച്ചു.
വാൽപ്പാറ പ്രദേശമാകെ വന്യമൃഗങ്ങളുടെ താവളമായി മാറിവരുകയാണ്. തോട്ടം തൊഴിലാളികൾ ഓരോ ദിവസവും കാട്ടനകളുടെയും മറ്റു വന്യമൃഗങ്ങളുടെ ഭീഷണിയിലാണ് ദിവസങ്ങൾ തള്ളി നീക്കുന്നത്. കഴിഞ്ഞ ഏതാനും ദിവസങ്ങളായി വാൽപ്പാറ– പൊള്ളാച്ചി റോഡിൽ ഭീതിപരത്തി ഒറ്റയാൻ ഇറങ്ങിയിട്ടുണ്ട്. ഇതുവഴി കടന്നു പോകുന്ന വാഹനങ്ങളെ കാട്ടന തടയുകയും ആക്രമണങ്ങൾ അഴിച്ചു വിടുകയും ചെയ്യുന്നത് പതിവാണ്.