ഡൽഹി കണ്ടു; പാലക്കാട് പൊലീസിന്റെ പവർ

പാലക്കാട് ∙ ന്യൂഡൽഹിയിൽ നടന്ന ദേശീയ പവർ ലിഫ്റ്റിങ് ചാംപ്യൻഷിപ്പിൽ ജില്ലാ പൊലീസിനു മികച്ച നേട്ടം. 69 കിലോ വിഭാഗത്തിൽ ചിറ്റൂർ പൊലീസ് സ്റ്റേഷനിലെ സി.സുനിമോൾ ഒന്നാംസ്ഥാനം നേടി. 57 കിലോ വിഭാഗത്തിൽ വനിതാ പൊലീസ് സ്റ്റേഷനിലെ എഎസ്ഐ ബി.ഷീബ രണ്ടാംസ്ഥാനവും സൗത്ത് പൊലീസ് സ്റ്റേഷനിലെ എഎസ്ഐ വി.ആർ.സുമതിക്കുട്ടിയമ്മ മൂന്നാം സ്ഥാനവും നേടി. 63 കിലോ വിഭാഗത്തിൽ ടൗൺ നോർത്ത് സ്റ്റേഷനിലെ എഎസ്ഐ സി.പരമേശ്വരി രണ്ടാംസ്ഥാനത്തെത്തി. 76 കിലോ വിഭാഗത്തിൽ പട്ടാമ്പി സ്റ്റേഷനിലെ എഎസ്ഐ വി.ബിന്ദുവിനാണു മൂന്നാം സ്ഥാനം. 84 കിലോ വിഭാഗത്തിൽ മണ്ണാർക്കാട് ട്രാഫിക് യൂണിറ്റിലെ സീനിയർ സിപിഒ കെ.കെ.അമ്പിളി രണ്ടാമതെത്തി. 83 കിലോ പുരുഷ വിഭാഗത്തിൽ ടൗൺ സ്റ്റേഷനിലെ സീനിയർ സിപിഒ അഭിലാഷ്കുമാർ മൂന്നാം സ്ഥാനം നേടി.