തൊഴിലാളി കുടുംബത്തിലേക്ക് പിഎസ്സി ഒന്നാം റാങ്ക് തിളക്കം
Mail This Article
×
ഒറ്റപ്പാലം ∙ തൊഴിലാളി കുടുംബത്തിലേക്കു പിഎസ്സി പരീക്ഷയുടെ ഒന്നാം റാങ്ക്. അമ്പലപ്പാറ കൂനൻമല വാർഡിലെ മേലേപുരയ്ക്കൽ സ്നേഹയാണ് ഹൈസ്കൂൾ വിഭാഗം ഗണിതശാസ്ത്ര അധ്യാപക തസ്തികയിലേക്കു കാസർകോട് ജില്ലയിൽ എഴുതിയ പരീക്ഷയിൽ ഒന്നാം റാങ്ക് നേടിയത്. നിർമാണത്തൊഴിലാളിയായ ഉണ്ണിക്കൃഷ്ണന്റെയും തൊഴിലുറപ്പു മേഖലയിൽ പണിയെടുക്കുന്ന രാജകുമാരിയുടെയും മകളാണു സ്നേഹ (26). സ്കൂൾ-കോളജ് പഠന കാലത്തും, പിഎസ്സി പരീക്ഷയ്ക്കു തയാറെ‌ടുക്കുമ്പോഴും പ്രത്യേക പരിശീലന ക്ലാസുകളിലൊന്നും പോയിരുന്നില്ല. കെ.പ്രേംകുമാർ എംഎൽഎ സ്നേഹയുടെ വീട്ടിലെത്തി ഉപഹാരം നൽകി അനുമോദിച്ചു. ജില്ലാ പഞ്ചായത്ത് അംഗം പ്രീത മോഹൻദാസ്, പഞ്ചായത്ത് അംഗം കെ.അനിൽകുമാർ എന്നിവരും പൊതുപ്രവർത്തകരും കൂടെയുണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
