കൊച്ചിയിലെ തീ അണയ്ക്കാൻ സിവിൽ ഡിഫൻസ് ടീമും

അടൂർ ∙ കൊച്ചി ബ്രഹ്മപുരം മാലിന്യപ്ലാന്റിലെ തീ അണയ്ക്കാൻ അടൂർ അഗ്നിരക്ഷാകേന്ദ്രത്തിലെ സിവിൽ ഡിഫൻസ് ടീമും പങ്കാളികളായി. 10 പേരടങ്ങുന്ന സംഘമാണ് ഇന്നലെ അടൂരിൽ നിന്ന് പുറപ്പെട്ട് ബ്രഹ്മപുരം മാലിന്യ പ്ലാന്റിൽ എത്തി തീ അണയ്ക്കുന്നതിന് സഹായികളായത്. 10ൽ 7 പേർ വനിതകളും 3 പേർ പുരുഷൻമാരുമാണ്. പോസ്റ്റ് വാർഡൻ ജി. അനിൽകുമാർ, ഡപ്യൂട്ടി പോസ്റ്റ് വാർഡൻ ആശ, വാർഡൻമാരായ കെ.എം. ഷൈജ, വി. സുലേഖ, സൗമ്യ, ജയ, ദീപ, എസ്.പി. ജ്യോതി രവീൺ, സാം ഏബ്രഹാം എന്നിവരടങ്ങുന്ന സംഘമാണ് ഇവിടെ നിന്ന് പോയത്.