നവകേരള സദസ്സ്: കോന്നിയിൽ പാർക്കിങ് ക്രമീകരണം ഇങ്ങനെ..

കോന്നി∙ നാളെ നടക്കുന്ന നവകേരള സദസ്സുമായി ബന്ധപ്പെട്ട് ഗതാഗതത്തിരക്ക് ഒഴിവാക്കുന്നതിന്റെ ഭാഗമായി കോന്നിയിൽ വാഹന പാർക്കിങ് ക്രമീകരണം ഏർപ്പെടുത്തിയതായി പൊലീസ് അറിയിച്ചു. കുമ്പഴ - പത്തനാപുരം റോഡിലും കോന്നി - ആനക്കൂട് - പൂങ്കാവ് റോഡിലും വാഹനങ്ങൾ പാർക്ക് ചെയ്യുന്നത് നിരോധിച്ചു. സദസ്സിൽ പങ്കെടുക്കുന്നവർ 3ന് മുൻപ് എത്തിച്ചേരണം. ക്രമീകരണം ഇങ്ങനെ.
∙ സർക്കാർ ഔദ്യോഗിക വാഹനങ്ങൾ, മോട്ടർ കേഡ് വാഹനങ്ങൾ - ഓട്ടോ ടാക്സി സ്റ്റാൻഡ്.
∙ അരുവാപ്പുലം പഞ്ചായത്തിൽ നിന്നുള്ള വാഹനങ്ങൾ മാരൂർപാലം ജംക്‌ഷനിൽ ആളെ ഇറക്കിയ ശേഷം എൻഎസ്എസ് കോളജ് മൈതാനം.
∙ ഐരവൺ ഭാഗത്ത് നിന്നുള്ളവ - പൊലീസ് സ്റ്റേഷൻ ഭാഗത്ത് ആളെ ഇറക്കിയ ശേഷം ഗവ.എച്ച്എസ്എസ് മൈതാനം.
∙ ഏനാദിമംഗലം പഞ്ചായത്തിൽ നിന്നുള്ളവ - മാരൂർപാലം ജംക്‌ഷനിൽ ആളുകളെ ഇറക്കിയ ശേഷം എലിയറയ്ക്കൽ അമൃത സ്കൂൾ മൈതാനം.
∙ കലഞ്ഞൂർ പഞ്ചായത്തിൽ നിന്നുള്ളവ – മാരൂർപാലം ജംക്‌ഷനിൽ ആളുകളെ ഇറക്കിയ ശേഷം എലിയറയ്ക്കൽ - കല്ലേലി റോഡിൽ ഒരു വശത്തായി.
∙ വള്ളിക്കോട് പഞ്ചായത്തിൽ നിന്നുള്ളവ - ആനക്കൂടിന് സമീപം ആളുകളെ ഇറക്കിയ ശേഷം ആനക്കൂട് പാർക്കിങ് സ്ഥലത്ത്.
∙ വള്ളിക്കോട് കോട്ടയം ഭാഗത്ത് നിന്നുള്ളവ - മാരൂർപാലം ജംക്‌ഷനിൽ ആളുകളെ ഇറക്കിയ ശേഷം എൻഎസ്എസ് കോളജ് മൈതാനം.
∙ ളാക്കൂർ ഭാഗത്ത് നിന്നുള്ളവ – ചൈനാമുക്ക് ജംക്‌ഷനിൽ ആളുകളെ ഇറക്കിയ ശേഷം ചൈനാമുക്ക് - ളാക്കൂർ റോഡിൽ ഒരു വശത്തായി.
∙ പൂങ്കാവ് ഭാഗത്ത് നിന്നുള്ളവ – ആനക്കൂടിന് സമീപം ആളുകളെ ഇറക്കിയ ശേഷം ആനക്കൂട് പാർക്കിങ് സ്ഥലത്ത്.
∙ കോന്നി പഞ്ചായത്തിലെ വാഹനങ്ങൾ – മാങ്കുളത്ത് ആളുകളെ ഇറക്കിയ ശേഷം സെന്റ് ജോർജ് ഓർത്തഡോക്സ് പള്ളി മൈതാനത്ത്.
∙ തണ്ണിത്തോട് പഞ്ചായത്തിൽ നിന്നുള്ളവ – പൊലീസ് സ്റ്റേഷൻ ഭാഗത്ത് ആളുകളെ ഇറക്കിയ ശേഷം ഗവ.എച്ച്എസ്എസ് മൈതാനം.
∙ സീതത്തോട്, ചിറ്റാർ പഞ്ചായത്തുകളിൽ നിന്നുള്ള വാഹനങ്ങൾ – പൊലീസ് സ്റ്റേഷൻ ഭാഗത്ത് ആളുകളെ ഇറക്കിയ ശേഷം മുരിങ്ങമംഗലം ക്ഷേത്ര മൈതാനത്ത്.
∙ മൈലപ്ര, മലയാലപ്പുഴ പഞ്ചായത്തുകളിൽ നിന്ന് കുമ്പഴ വഴി വരുന്ന വാഹനങ്ങൾ – ആർവിഎച്ച്എസ്എസ് ഭാഗത്ത് ആളുകളെ ഇറക്കിയ ശേഷം അതേ സ്കൂളിന്റെ മൈതാനത്ത്.
∙ വെട്ടൂർ വഴി വരുന്ന വാഹനങ്ങൾ – പൊലീസ് സ്റ്റേഷൻ ഭാഗത്ത് ആളുകളെ ഇറക്കിയ ശേഷം മുരിങ്ങമംഗലം - മെഡിക്കൽ കോളജ് റോഡിൽ ഒരു വശത്തായി.