സ്വീകരണ പര്യടനങ്ങൾ തുടർന്ന് സ്ഥാനാർഥികൾ

പത്തനംതിട്ട ∙ ലോക്സഭാ മണ്ഡലം എൽഡിഎഫ് സ്ഥാനാർഥി ഡോ. തോമസ് ഐസക് റാന്നി മണ്ഡലത്തിൽ സ്വീകരണ പര്യടനം നടത്തി. രാവിലെ ചെറുകോൽ പഞ്ചായത്തിലെ ചണ്ണമാങ്കലിൽ നിന്ന് ആരംഭിച്ച പര്യടനം പ്രമോദ് നാരായൺ എംഎൽഎ ഉദ്ഘാടനം ചെയ്തു. ജോമോൻ ജോസഫ് അധ്യക്ഷത വഹിച്ചു. അങ്ങാടി, പഴവങ്ങാടി, റാന്നി, വടശേരിക്കര പഞ്ചായത്തുകളിലെ വിവിധ കേന്ദ്രങ്ങളിൽ പര്യടനം നടത്തി വൈകിട്ട് മണിയാറിൽ സമാപിച്ചു.

എൻഡിഎ സ്ഥാനാർഥി അനിൽ കെ. ആന്റണിയുടെ അയിരൂർ മണ്ഡലം റോഡ് ഷോയ്ക്ക് ബിജെപി സംസ്ഥാന അധ്യക്ഷൻ കെ. സുരേന്ദ്രൻ നേതൃത്വം നൽകി. മണ്ഡലപര്യടനം ബിജെപി ദേശീയ കൗൺസിൽ അംഗം വിക്ടർ ടി.തോമസ് ഉദ്ഘാടനം ചെയ്തു. ബിജെപി മണ്ഡലം പ്രസിഡന്റ് സിനു എസ്.പണിക്കർ അധ്യക്ഷത വഹിച്ചു. കോട്ടാങ്ങൽ, വായ്പൂര് അടക്കമുള്ള കേന്ദ്രങ്ങളിൽ സ്വീകരണം ഏറ്റുവാങ്ങി.