പത്തനംതിട്ട ജില്ലയിൽ ഇന്ന് (27-11-2024); അറിയാൻ, ഓർക്കാൻ
Mail This Article
കുടുംബശ്രീ ഭക്ഷ്യമേള ഇന്നു മുതൽ : പന്തളം ∙ മണ്ഡലകാലത്തോടനുബന്ധിച്ചു ഇന്നുമുതൽ ഡിസംബർ 6 വരെ കുളനട കൈപ്പുഴയിലെ കുടുംബശ്രീ പ്രീമിയം കഫേയിൽ ‘ദേശി ധമാക്ക’ വെജിറ്റേറിയൻ ഭക്ഷ്യമേള നടക്കും. 10.30ന് കലക്ടർ എസ്.പ്രേംകൃഷ്ണൻ ഉദ്ഘാടനം നിർവഹിക്കും. ജില്ലാ പഞ്ചായത്ത് സ്ഥിരം സമിതി അധ്യക്ഷൻ ജിജി മാത്യു അധ്യക്ഷനാകും. ജില്ലാ പഞ്ചായത്ത് സ്ഥിരം സമിതി അധ്യക്ഷൻ ആർ.അജയകുമാർ മുഖ്യപ്രഭാഷണം നടത്തും. കുടുംബശ്രീ ഉൽപന്നങ്ങളുടെ വിപണനമേളയും ഉണ്ടാകും.
അറ്റകുറ്റപ്പണി: ജലവിതരണം മുടങ്ങും
പേട്ട ∙ അങ്ങാടി ജല വിതരണ പദ്ധതിയുടെ പമ്പ് ഹൗസിൽ അറ്റകുറ്റപ്പണികൾ നടക്കുന്നതിനാൽ ഇന്നു മുതൽ 3 ദിവസത്തേക്ക് പഞ്ചായത്തിൽ ജല വിതരണം മുടങ്ങുമെന്ന് ജല അതോറിറ്റി അസിസ്റ്റന്റ് എൻജിനീയർ അറിയിച്ചു.
കാലാവസ്ഥ
ശബരിമല സന്നിധാനം, പമ്പ, നിലയ്ക്കൽ എന്നിവിടങ്ങളിൽ മിന്നലോടുകൂടിയ മഴയ്ക്കു സാധ്യത
വൈദ്യുതി മുടങ്ങും
തേക്കുതോട്, കെ.കെ.പാറ എന്നിവിടങ്ങളിൽ ഇന്ന് 9 മുതൽ 2 വരെ ഭാഗികമായി വൈദ്യുതി മുടങ്ങും.