നിരോധിത പുകയില ഉൽപന്നങ്ങൾ വിറ്റ കടയുടമ അറസ്റ്റിൽ

പത്തനംതിട്ട ∙ നിരോധിത പുകയില ഉൽപന്നങ്ങൾ വിൽപനയ്ക്കായി സൂക്ഷിക്കുകയും കച്ചവടം ചെയ്യുകയും ചെയ്ത സ്റ്റേഷനറി കടയുടമയെ റാന്നി പൊലീസ് അറസ്റ്റ് ചെയ്തു. റാന്നി ചെറുകുളഞ്ഞി വലിയകുളം കൈതതടത്തിൽ എസ്.രാജൻ (പാന്റ് രാജൻ–65) ആണ് പിടിയിലായത്. കടയിൽ 4 ബക്കറ്റുകളിലും 2 ചാക്കുകളിലുമായി സൂക്ഷിച്ചിരുന്ന നിരോധിത പുകയില ഉൽപന്നങ്ങൾ പിടിച്ചെടുത്തു.

പൊലീസ് ഇൻസ്‌പെക്ടർ ജിബു ജോണിന്റെ നേതൃത്വത്തിലായിരുന്നു പരിശോധന. ഇട്ടിയപ്പാറ അടിച്ചിപ്പുഴ റോഡിലെ വാടകക്കെട്ടിടത്തിൽ ഇയാൾ നടത്തുന്ന രണ്ടുമുറിക്കടയിലാണ് ഇവ സൂക്ഷിച്ചിരുന്നത്. അനധികൃത കച്ചവടം നടത്തുന്നതായി വിവരം ലഭിച്ചതിനെ തുടർന്നായിരുന്നു പരിശോധന. എഎസ്ഐ കൃഷ്ണൻകുട്ടി, എസ്‌സിപിഒ അജാസ് ചാറുവേലിൽ, സിപിഒമാരായ ഗോകുൽ കണ്ണൻ, അശോകൻ എന്നിവരാണ് പൊലീസ് സംഘത്തിലുണ്ടായിരുന്നത്.