നിലയ്ക്കലിൽ മദ്യപിച്ചു ഡ്യൂട്ടി: എസ്ഐയെ മടക്കി അയച്ചു
Mail This Article
×
ശബരിമല∙ നിലയ്ക്കലിൽ മദ്യപിച്ചു ഡ്യൂട്ടിക്ക് എത്തിയ എസ്ഐയെ മാതൃയൂണിറ്റിലേക്കു മടക്കി അയച്ചു. നിലയ്ക്കൽ– പ്ലാപ്പള്ളി റൂട്ടിൽ പട്രോളിങ് ഡ്യൂട്ടിയിൽ ഉണ്ടായിരുന്ന എംഎസ്പി യൂണിറ്റിലെ എസ്ഐ ബി.പത്മകുമാറിനെയാണു തിരിച്ചയച്ചത്. രാത്രി 11.30ന് നിലയ്ക്കൽ പാർക്കിങ് മേഖലയിലെ ഹോട്ടലിൽ എസ്ഐ ബഹളം ഉണ്ടാക്കുന്നതായി പരാതി ഉണ്ടായതിനെ തുടർന്ന് സ്പെഷൽ ഓഫിസർ പ്രജീഷ് തോട്ടത്തിൽ ഡിവൈഎസ്പിയെ അയച്ച് അന്വേഷണം നടത്തി.
എസ്ഐയെ നിലയ്ക്കൽ ഗവ.ആശുപത്രിയിൽ വൈദ്യപരിശോധന നടത്തി മദ്യപിച്ചതായി സ്ഥിരീകരിച്ചു. സന്നിധാനത്ത് ഉണ്ടായിരുന്ന എഡിജിപി എസ്.ശ്രീജിത്തിനെ വിവരം അറിയിച്ചു. റിപ്പോർട്ട് സഹിതം മാതൃയൂണിറ്റിലേക്ക് മടക്കി അയയ്ക്കാൻ അദ്ദേഹം നിർദേശം നൽകി. തുടർന്നാണ് തിരിച്ചയച്ചത്.
English Summary:
Sabarimala pilgrimage security faced scrutiny as an intoxicated police officer was sent back from duty in Nilakkal. The SI was found intoxicated during patrol duty and subsequently sent for medical examination, confirming the allegations.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.