കേന്ദ്രമന്ത്രി രാജ്നാഥ് സിങ്ങിന്റെ സന്ദർശനം: തിരുവനന്തപുരം നഗരത്തിൽ ഇന്ന് ഗതാഗതനിയന്ത്രണം

തിരുവനന്തപുരം∙ കേന്ദ്രമന്ത്രി രാജ്നാഥ് സിങ്ങിന്റെ സന്ദർശനത്തിന്റെ ഭാഗമായി നഗരത്തിൽ ഗതാഗതനിയന്ത്രണം ഏർപ്പെടുത്തി. ഇന്ന് രാവിലെ 7.30 മുതൽ 11.30 വരെയാണ് നിയന്ത്രണം. ഡൊമസ്റ്റിക് എയർപോർട്ട്,ശംഖുമുഖം,  ഓൾസെയ്ന്റ്സ് ജംക്‌ഷൻ,‍ ചാക്ക, ഈഞ്ചക്കൽ,വെൺപാലവട്ടം, ലുലുമാൾ, കുഴിവിള വരെയുള്ള ബൈപാസ് റോഡ്,  സർവീസ് റോഡുകൾ, വലിയതുറ, പൊന്നറ, കല്ലുമൂട് ഈഞ്ചക്കൽ സർവീസ് റോഡ്,വെൺപാലവട്ടം, കിംസ് ആശുപത്രി റോഡ്,ചാക്ക അനന്തപുരി ആശുപത്രി റോഡ്,പേട്ട പള്ളിമുക്ക്,കണ്ണമ്മൂല,കുമാരപുരം,മെഡിക്കൽ കോളജ് എന്നിവിടങ്ങളിലാണു നിയന്ത്രണം.

ഇവിടങ്ങളിൽ വാഹന പാർക്കിങ് അനുവദിക്കില്ല. അനധികൃതമായി പാർക്ക് ചെയ്യുന്ന വാഹനങ്ങൾ റിക്കവറി വാഹനം ഉപയോഗിച്ച് നീക്കും.വിമാനത്താവളത്തിലേക്ക് വരുന്നവർ മുൻകൂട്ടി യാത്രകൾ ക്രമീകരിക്കണം. 9497930055,04712558731