ചാവടപ്പിൽ മല ഇടിഞ്ഞ് കൃഷിനാശം

വെള്ളറട ∙ അമ്പൂരി പ‍ഞ്ചായത്തിലെ തൊടുമല വാർഡിൽ ഉൾപ്പെട്ട കൈപ്പൻപ്ലാവിള നഗറിലെ ചാവടപ്പിൽ മല ഇടിഞ്ഞ് രണ്ടേക്കറോളം കൃഷി നശിച്ചു. പൊക്കിരിമലയുടെയും എലഞ്ഞിപ്പാറയുടെയും അടിവാരത്ത് വ്യാഴാഴ്ചയായിരുന്നു സംഭവം. കുരുമുളക്, കമുക്, ഗ്രാമ്പൂ കൃഷികളാണ് നശിച്ചത്. എങ്ങനെയാണ് മലയിടിഞ്ഞതെന്ന് അറിവായിട്ടില്ല. ഉരുൾപൊട്ടിയതാകാനാണ് സാധ്യതയെന്ന് കരുതുന്നു. കഴിഞ്ഞ ദിവസങ്ങളിൽ പ്രദേശത്ത് ശക്തമായ മഴ പെയ്തിരുന്നു. ഈ ഭാഗം ജനവാസ മേഖലയല്ല. തങ്കപ്പൻകാണി, രാജേന്ദ്രൻ എന്നിവരുടെ കൃഷികളാണ് നശിച്ചത്.