ഇരുതലമൂരിയേയും ശംഖുവരയനെയും പിടികൂടി; അര മീറ്ററോളം നീളം

തളിക്കുളം ∙വീടുകളിൽ നിന്നു ഇരുതലമൂരിയേയും ശംഖുവരയനേയും ആനിമൽ സ്ക്വാ‍ഡ് എത്തി പിടികൂടി. ചേർക്കര എരണേഴത്ത് അനിലിന്റെ വീട്ടിലെ പോർച്ചിലാണ് ഇരുതലമൂരിയെ കണ്ടത്. ഏകദേശം അരമീറ്ററോളം നീളമുണ്ട്. ചെമ്മാപ്പിള്ളി  ചേലൂർമനയുടെ സമീപത്തെ വീട്ടിലെ മുറ്റത്താണ് കടുത്ത വിഷമുള്ള ശംഖുവരയനെ കണ്ടത്.ഇവയെ ഫോറസ്റ്റ് അധികൃതർക്ക് കൈമാറും. പ്രദേശത്ത് ഇരുതലമൂരി പാമ്പിനെ കാണുന്നത് അപൂർവമാണെന്ന് പാമ്പ് പിടിത്തക്കാർ പറയുന്നു.