കറങ്ങുന്നവരെ പിടിക്കാൻ പൊലീസ് ‘ബസി’ൽ എത്തി; കുടുങ്ങിയത് ഇരുന്നൂറോളം പേർ

പുന്നയൂർക്കുളം∙ ലോക്ഡൗൺ ലംഘിച്ച് കറങ്ങുന്നവരെ പിടിക്കാൻ പെരുമ്പടപ്പ് പൊലീസ് എത്തിയത് സ്വകാര്യ ബസിൽ. ആളും വാഹനവും തിരിച്ചറിയാതെ കുടുങ്ങിയത് ഇരുന്നൂറോളം പേർ. പൊലീസ് വാഹനം കാണുമ്പോൾ മുങ്ങുന്നവരെ കുടുക്കാനാണ് എസ്എച്ച്ഒ കേഴ്‌സൺ വി. മാർക്കോസിന്റെ നേതൃത്വത്തിൽ ബസിറക്കിയത്.   ഓട്ടം മുടങ്ങിയ ബസ് കടം വാങ്ങിയായിരുന്നു പൊലീസിന്റെ യാത്ര. 5 പേർക്കെതിരെ കേസെടുത്ത പൊലീസ് 67 പേർക്ക് പിഴയും ചുമത്തി. 21 വാഹനങ്ങൾ പിടിച്ചെടുത്തു. 16 ഇതര സംസ്ഥാനക്കാരെ കസ്റ്റഡിയിൽ എടുത്തു.