പീച്ചിയിൽ മഴക്കുറവ്; ജലനിരപ്പ് 71.08 മീറ്റർ മാത്രം

പീച്ചി ∙ കാലവർഷം ദുർബലം; പീച്ചിയിൽ ജലനിരപ്പിൽ വൻ കുറവ്. അണക്കെട്ടിലെ ജലനിരപ്പ് 71.08 മീറ്റർ മാത്രം. ജൂൺ ഒന്നിന് 68.5 മീറ്ററായിരുന്നു ജലനിരപ്പ്. ഒരുമാസത്തിനിടെ കൂടിയത് 3 മീറ്റർ മാത്രം. ജൂൺ അവസാനിക്കുമ്പോൾ 40 ദശലക്ഷം മീറ്റർ ക്യൂബ് വെള്ളമുണ്ടാവുക പതിവുള്ളതാണ്. (ഒരു മീറ്റർ ക്യൂബ് എന്നാൽ 1000 ലീറ്റർ). എന്നാൽ, ഇന്നലെ 24.39 ദശലക്ഷം മീറ്റർ ക്യൂബ് ജലമാണുള്ളത്. ജൂൺ 4നു 98.4 മില്ലീമീറ്റർ മഴ ലഭിച്ചതൊഴിച്ചാൽ മറ്റു ദിവസങ്ങളിലൊന്നും പീച്ചിയിൽ കാര്യമായ മഴയുണ്ടായില്ല. ഒരുമില്ലി മീറ്റർ മഴ പോലും ലഭിക്കാത്ത ദിവസങ്ങളും ജൂണിലുണ്ടായിരുന്നു.