വിദ്യാർഥികൾ ഇന്ന് ചരിത്രം കണ്ടറിയും

തൃശൂർ ∙ അവധിക്കാലത്ത് വിദ്യാർഥികൾക്കായി മലയാള മനോരമ സംഘടിപ്പിക്കുന്ന ചരിത്ര പഠനയാത്ര ഇന്ന്. ചരിത്രപരമായും സാംസ്കാരികമായും പ്രാധാന്യമുള്ള ജില്ലയിലെ സ്ഥലങ്ങളിലേക്കുള്ള യാത്രയിൽ വിവിധ സ്കൂളുകളിൽ നിന്നുള്ള 24 വിദ്യാർഥികൾ പങ്കെടുക്കും. രാവിലെ 7.30ന് തുടങ്ങുന്ന യാത്ര വൈകിട്ട് 6ന് സമാപിക്കും. കലക്ടർ വി.ആർ.കൃഷ്ണ തേജ യാത്ര ഫ്ലാഗ് ഓഫ് ചെയ്യും. അർണോസ് പാതിരി മന്ദിരം, കുടക്കല്ലുകൾ, കലാമണ്ഡലം, വള്ളത്തോൾ മ്യൂസിയം, ചരിത്ര മ്യൂസിയം തുടങ്ങിയ സ്ഥലങ്ങളാണു സന്ദർശിക്കുക. സന്ദർശിക്കുന്ന സ്ഥലങ്ങളുടെ ചരിത്രപരമായ പ്രാധാന്യം കേരള ഹിസ്റ്റോറിക്കൽ റിസർച് സൊസൈറ്റി അംഗം ക്ലെമന്റ് ഡേവിഡ് വിദ്യാർഥികളുമായി പങ്കുവയ്ക്കും.