ചിറളയത്ത് ആഘോഷത്തിനിടെ ഇരുവിഭാഗങ്ങൾ ഏറ്റുമുട്ടി : 5 പേർക്ക് പരുക്ക്

കുന്നംകുളം ∙ ചിറളയം ശ്രീരാമ ക്ഷേത്രത്തിൽ ഉത്സവത്തിനിടെ ഇരുവിഭാഗങ്ങൾ തമ്മിലുണ്ടായ സംഘർഷത്തി‍ൽ പരുക്കേറ്റ 5 പേരെ ആശുപത്രിയിൽ പ്രവേശിപ്പിച്ചു. കഴുത്തിന് വെട്ടേറ്റ ചിറളയം സ്വദേശികളായ ചെറുശേരി വീട്ടിൽ ഷൈൻ സി.ജോസ് (38), ലിയോ വർഗീസ് എന്നിവരെ തൃശൂരിലെ സ്വകാര്യ ആശുപത്രിയിലും വൈശ്ശേരി സ്വദേശികളായ ജീനിഷ് രാജ്, ജെറിൻ, രഘു എന്നിവരെ കുന്നംകുളം താലൂക്ക് ആശുപത്രിയിലും പ്രവേശിപ്പിച്ചു. ഇന്നലെ രാത്രിയാണ് സംഭവം. ഇരുവിഭാഗം പൂരാഘോഷ കമ്മിറ്റികൾ തമ്മി‍ൽ തർക്കം നിലനിന്നിരുന്നതായും പറയുന്നു. ഇതേ തുടർന്നുള്ള വൈരാഗ്യമാണ് സംഘർഷത്തിന് കാരണമെന്നാണു പൊലീസിന്റെ പ്രാഥമിക നിഗമനം.