സിനിമാത്തുടർച്ച ഗോപിയായി; ഭരണത്തുടർച്ച മോഹിച്ച് കട്ടിങ്ങും ഷേവിങ്ങും
Mail This Article
×
തൃശൂർ ∙ സിനിമ അഭിനയത്തിനു താൽക്കാലിക ‘കട്ട്’ പറഞ്ഞ് കേന്ദ്രമന്ത്രിയുടെ ഉത്തരവാദിത്വത്തിൽ സജീവമാകാൻ നടനും എംപിയുമായ സുരേഷ് ഗോപി. നേരത്തെ പ്രഖ്യാപിച്ചിരുന്ന ‘ഒറ്റക്കൊമ്പൻ’ എന്ന സിനിമയിലെ കഥാപാത്രത്തിനായി നിലനിർത്തിയിരുന്ന പ്രത്യേക താടി അദ്ദേഹം നീക്കം ചെയ്തു. ഭരണതലത്തിലും മണ്ഡലത്തിലും കൂടുതൽ ശ്രദ്ധിക്കാൻ സുരേഷ് ഗോപിക്കു ബിജെപി കേന്ദ്ര നേതൃത്വം നിർദേശം നൽകിയിരുന്നു.
സിനിമ അഭിനയം തുടരാനുള്ള അദ്ദേഹത്തിന്റെ ആവർത്തിച്ചുള്ള അപേക്ഷ കേന്ദ്രനേതൃത്വം നിരാകരിക്കുകയായിരുന്നു. ആഴ്ചയിൽ 4 ദിവസം മന്ത്രാലയത്തിലും ബാക്കി ദിവസം മണ്ഡലത്തിലും എത്താനാണ് നിർദേശം. തൃശൂർ നഗരത്തിൽ എംപിയുടെ ഓഫിസ് ഉടൻ ആരംഭിക്കും. പെരിങ്ങാവ് ചെറുമുക്ക് ക്ഷേത്രത്തിനു സമീപം ഇരുനില വീട് ഓഫിസാക്കാനാണു ഉദ്ദേശിക്കുന്നത്. ബിജെപിയുടെ ‘നമോ ഭവൻ’ എന്ന പുതിയ ജില്ലാ കമ്മിറ്റി ഓഫിസിനു സമീപത്താണിത്.
English Summary:
Suresh Gopi, renowned actor and BJP MP, has decided to prioritize his political responsibilities. Following instructions from the party leadership, he has taken a break from acting, even shaving off the beard he grew for his upcoming film 'Ottakomban.' He will now dedicate more time to his ministerial duties and his constituency in Thrissur.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.