ദുരന്തമൊഴിയാതെ നാട്ടിക; കാറും സ്കൂട്ടറും കൂട്ടിയിടിച്ച് യുവാവ് മരിച്ചു

തൃപ്രയാർ ∙ ലോറി പാഞ്ഞുകയറി 5 പേർ കൊല്ലപ്പെട്ട അപകടസ്ഥലത്ത് നിന്ന് 250 മീറ്റർ വടക്ക് മാറി ചൊവ്വാഴ്ച രാത്രിയിലുണ്ടായ മറ്റൊരു അപകടത്തിൽ യുവാവ് മരിച്ചു. കാറും സ്കൂട്ടറും കൂട്ടിയിടിച്ചു സ്കൂട്ടർ യാത്രികൻ ചാവക്കാട് തിരുവത്ര ഗ്രാമംകുളം ക്ഷേത്രത്തിനു പടിഞ്ഞാറ് തറയിൽ വീട്ടിൽ പ്രദീപിന്റെയും സീതയുടെയും മകൻ ശ്രീഹരിയാണ് (23) ആശുപത്രിയിൽ ചികിത്സയിലിരിക്കെ മരിച്ചത്. തൃപ്രയാർ ഏകാദശിയോടനുബന്ധിച്ചു അമ്മയുടെ നാട്ടികയിലെ വീട്ടിൽ പോയതായിരുന്നു. സംസ്കാരം നടത്തി. സഹോദരി: നന്ദന.