കാട്ടുതീ പടർന്നു; 3 കാറുകൾ കത്തിനശിച്ചു

ഗൂഡല്ലൂർ ∙ കൂനൂരിന് സമീപം വണ്ണാറ പേട്ടയിൽ നിർത്തിയിട്ടിരുന്ന മൂന്നു കാറുകൾ കത്തി നശിച്ചു. കാറുകൾ നിർത്തിയിട്ടിരുന്ന സ്ഥലത്തിന് സമീപത്തുണ്ടായിരുന്ന വനത്തിലെ അടിക്കാടുകളിലൂടെ പടർന്നുകയറിയ തീയാണു കാറുകൾ കത്താൻ കാരണം. കൂനൂരിൽ നിന്നുള്ള അഗ്നിരക്ഷാ സേനയും നാട്ടുകാരും മണിക്കൂറോളം ശ്രമിച്ചാണു തീ കെടുത്തിയത്. കനത്ത ചൂട് തീ ആളിക്കത്താൻ സഹായിച്ചു.