ലൈറ്റ് ഓഫാക്കിയതിനെ തുടർന്ന് തർക്കം; സഹോദരനെ വെട്ടിപ്പരിക്കേൽപ്പിച്ച യുവാവ് അറസ്റ്റിൽ
Mail This Article
×
പനമരം∙ വീട്ടിൽ ലൈറ്റ് ഓഫാക്കിയതിനെ തുടർന്നുള്ള തർക്കത്തിൽ സഹോദരനെ വെട്ടി പരിക്കേൽപ്പിച്ച യുവാവിനെ പനമരം പോലീസ് അറസ്റ്റ് ചെയ്തു. അഞ്ചുകുന്ന് മേലെ കാപ്പുംകുന്ന് പണിയ കോളനിയിലെ അനീഷ് ചന്ദ്രൻ (29)നെയാണ് പനമരം ഇൻസ്പെക്ടർ എസ്എച്ച്ഒ വി. സിജിത്തിന്റെ നേതൃത്വത്തിൽ അറസ്റ്റ് ചെയ്തത്. ഇയാളുടെ സഹോദരൻ അജീഷ് ചന്ദ്രൻ (27) കഴുത്തിന് സാരമായി പരിക്കേറ്റ് മാനന്തവാടി മെഡിക്കൽ കോളജിൽ ചികിത്സയിലാണ്. ഇന്നലെ രാത്രിയിലാണ് സംഭവം. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. സബ് ഇൻസ്പെക്ടർ ദിനേശൻ കെ, സീനിയർ സിവിൽ പൊലീസ് ഓഫീസർ ടി അസീസ്, അജേഷ് എന്നിവരും പൊലീസ് സംഘത്തിൽ ഉണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.