ക്ലാറ്റ് 2025: പ്രാഥമിക വിജ്ഞാപനമായി
![clat Representative image. Photo Credit : Wavebreakmedia/iStocks.com](https://img-mm.manoramaonline.com/content/dam/mm/mo/education/career-guru/images/2024/7/8/clat.jpg?w=1120&h=583)
Mail This Article
ഇന്ത്യയിലെ വിവിധ നിയമസർവകലാശാലകളിലെ 5 വർഷ ഇന്റഗ്രേറ്റഡ് ബാച്ലർ ബിരുദത്തിന്റെയും, ഒരു വർഷ എൽഎൽഎം ബിരുദത്തിന്റെയും പ്രവേശനത്തിനു നടത്തുന്ന ക്ലാറ്റ് (CLAT: Common Law Admission Tests) സംബന്ധിച്ച പ്രാഥമിക വിവരങ്ങൾ ദേശീയ നിയമ സർകലാശാലകളുടെ കൺസോർഷ്യം വിജ്ഞാപനം ചെയ്തു. വെബ്: www.consortiumofnlus.ac.in
ഓൺലൈൻ അപേക്ഷ 15 മുതൽ ഒക്ടോബർ 15 വരെ. ഓഫ്ലൈൻ പരീക്ഷ ഡിസംബർ ഒന്നിന് ഉച്ചകഴിഞ്ഞ് 2 മുതൽ 4 വരെ. അപേക്ഷാഫീ 4000 രൂപ. പട്ടിക, ഭിന്നശേഷി, ബിപിഎൽ വിഭാഗക്കാർക്ക് 3500 രൂപ. പ്രവേശനയോഗ്യത 1. യുജി പ്രോഗ്രാം: 45% മാർക്ക് അഥവാ തുല്യഗ്രേഡോടെ 12 / തുല്യപരീക്ഷ ജയിച്ചവർക്കും, 2025 മാർച്ച് / ഏപ്രിലിൽ 12ലെ പരീക്ഷയെഴുതുന്നവർക്കും അപേക്ഷിക്കാം.പട്ടിക, ഭിന്നശേഷി വിഭാഗക്കാർക്ക് 40% മാർക്ക് മതി. 2. എൽഎൽഎം: 50% എങ്കിലും മാർക്കോടെ എൽഎൽബി / തുല്യപരീക്ഷ ജയിച്ചവർക്കും, 2025 ഏപ്രിൽ / മേയ് സമയം യോഗ്യതാ പരീക്ഷയെഴുതുന്നവർക്കും അപേക്ഷിക്കാം. പട്ടിക, ഭിന്നശേഷി വിഭാഗക്കാർക്ക് 45% മാർക്കു മതി. ഫോൺ: 080–47162020; ഇ–മെയിൽ: clat@consortiumofnlus.ac.in. കൊച്ചി നുവാൽസിന്റെ വെബ്സൈറ്റ് :www.nuals.ac.in.