എഐ: ഐഐഐടിയിൽ പാർട്‌ ടൈം എംടെക്

പാലാ ഐഐഐടിയുടെ തിരുവനന്തപുരം ഓഫ് ക്യാംപസ് കേന്ദ്രത്തിൽ എംടെക് ആർട്ടിഫിഷ്യൽ ഇന്റലിജൻസ് & ഡേറ്റാ സയൻസ് പ്രോഗ്രാമിലേക്ക് ഓൺലൈൻ അപേക്ഷ ജൂലൈ 9 വരെ. വെബ്സൈറ്റ്: www.iiitkottayam.ac.inജോലി.യിലിരിക്കുന്ന എക്സിക്യൂട്ടീവുകൾക്കായി നടത്തുന്ന പാർട്‌ ടൈം പ്രോഗ്രാമാണിത്.

60 % മാർക്കോടെ ബിടെക്, ബിഇ, എഐഎംഇ, അഥവാ എംസിഎ അഥവാ സിഎസ് / ഐടി / മാത്‌സ് / ഫിസിക്സ് / സ്റ്റാറ്റ്സ് ഇവയൊന്നിലെ എംഎസ്‌സി / എംഎസ് യോഗ്യത വേണം. ഒരു വർഷത്തെയെങ്കിലും വ്യവസായ സേവനപരിചയത്തോടെ ജോലിയിലിരിക്കുകയും വേണം. ക്ലാസുകൾ മുഖ്യമായും വാരാന്ത്യങ്ങളിൽ. ഓഗസ്റ്റ് 9നു തുടങ്ങുന്ന 6–സെമസ്റ്റർ പ്രോഗ്രാം 3 –5 വർഷം കൊണ്ടു പൂർത്തിയാക്കാം.