‘നാറ്റ’ എഴുതാൻ ഒരവസരം കൂടി; പരീക്ഷ അടുത്തമാസം

ആർക്കിടെക്ചർ ബിരുദ പഠനത്തിനുള്ള ദേശീയ അഭിരുചി പരീക്ഷയായ ‘നാഷനൽ ആപ്റ്റിറ്റ്യൂഡ് ടെസ്റ്റ് ഇൻ ആർക്കിടെക്ചർ’ (നാറ്റ) എഴുതാൻ സാധിക്കാത്തവർക്കായി അടുത്ത മാസം ഒരവസരം കൂടി നൽകും. കഴിഞ്ഞ ദിവസമാണ് ‘നാറ്റ’ രണ്ടാം സെഷൻ നടത്തിയത്. ആദ്യ സെഷൻ ഏപ്രിലിൽ നടന്നു.

ഏതെങ്കിലും ഒരു സെഷൻ മാത്രം എഴുതിയവർക്ക് അടുത്ത മാസത്തെ പരീക്ഷ എഴുതാം. മുൻപു നടന്ന 2 സെഷനുകളും എഴുതിയവർക്ക് അനുമതിയുണ്ടാകില്ല. തീയതിയും അപേക്ഷിക്കാനുള്ള സമയവും ഔദ്യോഗിക വെബ്സൈറ്റിൽ പ്രസിദ്ധീകരിക്കും.

ഐഐടികളും എൻഐടികളും ഒഴികെ രാജ്യത്തെ മികച്ച സ്ഥാപനങ്ങളിലെ ബി.ആർക് കോഴ്സുകളിലേക്ക് നാറ്റ സ്കോർ പരിഗണിച്ചാണു പ്രവേശനം നൽകുന്നത്.

English Summary: National Aptitude Test in Architecture