കെവി ബാലവാടിക: അപേക്ഷ ജൂലൈ 18നു രാത്രി 7 വരെ

തിരുവനന്തപുരം ∙ രാജ്യത്തെ 50 കേന്ദ്രീയ വിദ്യാലയങ്ങളിൽ (Kendriya Vidyalaya) യുകെജിക്കു തുല്യമായ ബാലവാടിക (Bal Vatika) ആരംഭിക്കുമെന്ന കേന്ദ്രപ്രഖ്യാപനം നടപ്പാക്കിത്തുടങ്ങി. കേരളത്തിലെ പല കേന്ദ്രീയ വിദ്യാലയങ്ങളും ബാലവാടിക പ്രവേശനത്തിന് അപേക്ഷ ക്ഷണിച്ചു. അതതു സ്കൂളിന്റെ വെബ്സൈറ്റിലൂടെയോ കേന്ദ്രീയ വിദ്യാലയ വെബ്സൈറ്റിലൂടെയോ 18നു രാത്രി 7വരെ ഓൺലൈനായി അപേക്ഷിക്കാം. ഓരോ സ്കൂളിലും 40 സീറ്റ്. 2023 മാർച്ച് 31ന് 5 വയസ്സ്പൂർത്തിയായിരിക്കണം. 6 വയസ്സ് തികയാനും പാടില്ല. സ്കൂളിന്റെ 5 കിലോമീറ്റർ പരിധിയിലെ എസ്‌സി, എസ്ടി, ഒബിസി വിഭാഗങ്ങൾക്കായി 25% സീറ്റുണ്ട്. ബാലവാടികയിൽ ചേരുന്നവർക്ക് ഒന്നാം ക്ലാസിലേക്കു പുതുതായി പ്രവേശനം നേടാതെ പഠിക്കാനാകും. 

Content Summary : Kendriya Vidyalaya Sangthan - Bal Vatika Admission