നീറ്റ്–യുജി: അപേക്ഷകർ 25 ലക്ഷം കടന്നു

ന്യൂഡൽഹി : ദേശീയ മെഡിക്കൽ പ്രവേശന പരീക്ഷയുടെ (നീറ്റ്–യുജി) റജിസ്ട്രേഷൻ ആദ്യമായി 25 ലക്ഷം കടന്നു. റജിസ്ട്രേഷന്റെ സമയപരിധി 16 വരെ നീട്ടിയിട്ടുമുണ്ട്. നീറ്റ്–യുജിയുടെ റജിസ്ട്രേഷൻ 9ന് അവസാനിക്കുമെന്നാണ് ആദ്യം അറിയിച്ചിരുന്നത്. എന്നാൽ പലർക്കും ഒടിപി ലഭിക്കാത്തതുൾപ്പെടെയുള്ള പരാതികൾ ഉയർന്ന സാഹചര്യത്തി ലാണു ഒരാഴ്ച കൂടി സമയം അനുവദിച്ചിരിക്കുന്നത്. 16നു രാത്രി 10.50 വരെ റജിസ്റ്റർ ചെയ്യാം. ഫീസ് അടയ്ക്കാൻ രാത്രി 11.50 വരെ സമയമുണ്ട്. വിവരങ്ങൾക്ക്: neet.ntaonline.in. കഴിഞ്ഞ വർഷത്തെക്കാൾ 4.2 ലക്ഷം പേർ ഇക്കുറി അധികമായി റജിസ്റ്റർ ചെയ്തിട്ടുണ്ട്. ആകെ റജിസ്റ്റർ ചെയ്തവരിൽ 13 ലക്ഷത്തിലേറെ പേർ പെൺകുട്ടികളുമാണ്.