പിഎം ഫൗണ്ടേഷൻ ടാലന്റ്സേർച്: അപേക്ഷ ജൂൺ 20 വരെ

കൊച്ചി : 10–ാം ക്ലാസ് പരീക്ഷയിൽ ഉന്നത വിജയം നേടിയവർക്കായി പിഎം ഫൗണ്ടേഷൻ നടത്തുന്ന ടാലന്റ് സേർച് പരീക്ഷയ്ക്കു ജൂൺ 20 വരെ അപേക്ഷിക്കാം. 2024 ലെ എസ്എസ്എൽസി, ടിഎച്ച്എസ്എൽസി പരീക്ഷയിൽ മുഴുവൻ വിഷയങ്ങളിലും എ പ്ലസോ സിബിഎസ്ഇ, ഐസിഎസ്ഇ പരീക്ഷകളിൽ ഓരോ വിഷയത്തിലും 90% മാർക്കോ നേടിയവർക്ക് അപേക്ഷിക്കാം.

ദേശീയ – സംസ്ഥാനതല കലാ–കായിക–സാംസ്കാരിക, ഐടി, സാമൂഹികസേവന മത്സരവിജയത്തിനൊപ്പം എസ്എസ്എൽസി, ടിഎച്ച്എസ്എൽസി പരീക്ഷയിൽ എല്ലാ വിഷയങ്ങൾക്കും കുറഞ്ഞത് എ ഗ്രേഡോ സിബിഎസ്ഇ, ഐസിഎസ്ഇ പരീക്ഷയിൽ എല്ലാ വിഷയങ്ങളിലും 80% മാർക്കോ നേടിയവർക്കും അപേക്ഷിക്കാനാകും. വെബ്സൈറ്റ്: www.pmfonline.org പരീക്ഷയിൽ നിശ്ചിത മാർക്ക് നേടുന്നവർക്കു കാഷ് അവാർഡും സാക്ഷ്യപത്രവും നൽകും. ക്യാംപിനും അഭിമുഖത്തിനും ശേഷം തിരഞ്ഞെടുക്കപ്പെടുന്നവർക്ക് ഉന്നതവിദ്യാഭ്യാസത്തിനായി 5 വർഷം വരെ പിഎം ഫെലോഷിപ് നൽകും. ഫോൺ: 0484 2367279.